సెలబ్రిటీల వ్యక్తిగత జీవితాలపై సోషల్ మీడియాలో ఎప్పుడూ రకరకాల ఊహాగానాలు చక్కర్లు కొడుతూనే ఉంటాయి. తాజాగా టాలీవుడ్ మోస్ట్ పాపులర్ కపుల్ రష్మిక మందన్న, విజయ్ దేవరకొండ(Vijay Deverakonda)ల చుట్టూ కూడా ఇలాంటి వదంతులే నెట్టింట వైరల్ అయ్యాయి. వీరిద్దరి మధ్య మనస్పర్థలు వచ్చాయని, విడిపోతున్నారు, విడాకులు తీసుకుంటున్నారంటూ జరిగిన ప్రచారం ఫ్యాన్స్‌ను ఆందోళనకు గురిచేసింది. ఈ నేపథ్యంలోనే రష్మిక మౌనం వీడి తనదైన శైలిలో స్పందించి ట్రోలర్లకు గట్టి కౌంటర్ ఇచ్చారు.

ప్రముఖ టాక్ షో ‘కాఫీ విత్‌ కరణ్‌-9(Koffee With Karan)’ కార్యక్రమానికి సంబంధించిన ప్రోమో బయటికి వచ్చిన తర్వాతే ఈ విడాకుల రూమర్స్ మరింత జోరందుకున్నాయి. ఆ షోలో భాగంగా తాను విజయ్‌ను పెళ్లి చేసుకోవాలని ఏకంగా వందసార్లు అడిగానని రష్మిక సరదాగా పంచుకున్నారు. అయితే ఈ వ్యాఖ్యలను పట్టుకుని కొంతమంది సోషల్ మీడియాలో రకరకాల విమర్శలు చేయడం, విజయ్‌ను టార్గెట్ చేయడం ప్రారంభించారు. తమ రిలేషన్‌షిప్‌పై వస్తున్న ఈ అనవసర నెగెటివిటీని రష్మిక తీవ్రంగా ఖండించారు.

"నా ప్రేమ, పెళ్లి విషయాలపై ఎవరికీ ఎలాంటి తీర్పులు చెప్పే హక్కు లేదు. నా జీవిత భాగస్వామిని ఎంచుకునే పూర్తి స్వేచ్ఛ నాకే ఉంది" అంటూ రష్మిక(Rashmika) చాలా బోల్డ్‌గా స్టేట్‌మెంట్ ఇచ్చారు. అంతేకాదు, "వెయ్యిసార్లైనా నా నిర్ణయం ఇదే ఉంటుంది.. వందసార్లు అడగడం అనేది పెద్ద విషయమే కాదు" అంటూ విమర్శకుల నోర్లు మూయించారు. తమ మధ్య ఉన్న బంధం కేవలం ఉంగరాలు తొడగడం, ప్రపోజల్స్ చేసుకోవడం వంటి హంగులకు పరిమితం కాదని, జీవితాన్ని కలిసి అందంగా నిర్మించుకోవడమే అసలైన అర్థమని ఆమె స్పష్టం చేశారు.

తాము ఇద్దరం పూర్తిగా భిన్నమైన స్వభావం గలవాళ్లమని రష్మిక ఈ సందర్భంగా వివరించారు. తాను ఎక్కువగా భావోద్వేగాలతో నిర్ణయాలు తీసుకుంటానని, విజయ్ మాత్రం ప్రతి విషయాన్ని అన్ని కోణాల్లోనూ ప్రాక్టికల్‌గా ఆలోచిస్తాడని చెప్పారు. ఈ స్వభావాల భిన్నత్వమే తమ బంధానికి అసలైన బలమని తెలిపారు. తన కష్టకాలంలో విజయ్(Vijay) మాత్రమే తనకు అండగా నిలిచారని గుర్తుచేసుకుంటూ, ఆయనతో కలిసి ఉన్న సంతోషకరమైన వీడియోను సోషల్ మీడియాలో షేర్ చేసి విడాకుల రూమర్స్‌కు చెక్ పెట్టారు.