సోషల్ మీడియా పుణ్యమా అని నిత్యం ఏదో ఒక విచిత్రమైన ఘటన ట్రెండింగ్‌లో నిలుస్తుంటుంది. ఎక్కడా ఊహించని విషయాలు తెరపైకి వచ్చి నెటిజన్లను కడుపుబ్బా నవ్విస్తుంటాయి. తాజాగా అలాంటి ఓ ఘటనే నెట్టింట హాట్ టాపిక్‌గా మారింది. ప్రస్తుతం సౌత్ ఇండస్ట్రీలో వరుస ప్రాజెక్టులతో దూసుకెళ్తున్న యువ హీరోయిన్ కాయదు లోహర్‌(Kayadu Lohar)కు సంబంధించిన ఓ వార్త సోషల్ మీడియాను షేక్ చేస్తోంది.

ఈ ట్రెండింగ్ బ్యూటీ ఇటీవల ఓ కార్యక్రమానికి హాజరయ్యారు. ఆ ఈవెంట్‌లో ఆమె నీళ్లు తాగిన ఓ సాధారణ వాటర్ బాటిల్‌ను ఎవరో ఆకతాయి టార్గెట్ చేశాడు. మార్కెట్లో పది లేదా ఇరవై రూపాయలు కూడా పలకని ఆ ప్లాస్టిక్ సీసాను.. నేరుగా 'ఓఎల్ఎక్స్' (OLX) వేదికగా అమ్మకానికి పెట్టాడు. అంతేకాదు, ఆ బాటిల్ ధర అక్షరాల రూ. 3 లక్షలు అంటూ ప్రకటన ఇవ్వడం అందరినీ అవాక్కయ్యేలా చేసింది.

సెలబ్రిటీలు వాడిన వస్తువులను, దుస్తులను అధికారిక వేలాల్లో లక్షలు పెట్టి కొనుగోలు చేయడం మనం చూస్తుంటాం. కానీ, ఇక్కడ ఎలాంటి వేలంపాట లేదు, అధికారిక ధ్రువీకరణ అంతకంటే లేదు. కేవలం హీరోయిన్ పేరును క్యాష్ చేసుకునేందుకు ఎవరో కేరళ(Kerala)కు చెందిన పృథ్వీపుత్రుడు చేసిన ఈ వింత చేష్ట ఇప్పుడు ఇంటర్నెట్‌లో నవ్వులు పూయిస్తోంది.

ఈ ప్రకటనకు సంబంధించిన స్క్రీన్‌షాట్లు సోషల్ మీడియాలో విపరీతంగా వైరల్ అవుతున్నాయి. అసలు ఆ బాటిల్‌(Water Bottle)ను ఆకతాయి ఎలా చేజిక్కించుకున్నాడు? నిజంగానే ఎవరైనా ఆ మూడు లక్షలు పోసి కొంటారా? లేదా ఇదంతా కేవలం పబ్లిసిటీ స్టంటేనా? అనే అనేక ప్రశ్నలు నెటిజన్లను గందరగోళానికి గురిచేస్తున్నాయి. ఏది ఏమైనా, సోషల్ మీడియాలో ఆకతాయిల పిచ్చి ఏ లెవెల్‌కు వెళ్తుందో చెప్పేందుకు ఈ ఘరానా ఉదాహరణ ప్రత్యక్ష సాక్ష్యంగా నిలుస్తోంది.