నందమూరి బాలకృష్ణ(Nandamuri Balakrishna).. బాక్సాఫీస్ వద్ద ఈ పేరు వినబడితే చాలు, రికార్డుల లెక్కలు మారిపోవాల్సిందే. 'అఖండ', 'వీరసింహారెడ్డి', 'భగవంత్ కేసరి' వంటి వరుస విజయాలతో ఫుల్ జోష్‌లో ఉన్న బాలయ్య, ఇప్పుడు తన తర్వాతి ప్రాజెక్టుల విషయంలో ప్రయోగాత్మక అడుగులు వేస్తున్నారు. రొటీన్ మాస్ సినిమాలకి భిన్నంగా, కొత్త తరం దర్శకులతో జతకడుతూ తన మేకోవర్‌ను పూర్తిగా మార్చేస్తున్నారు. ఈ క్రమంలోనే యంగ్ అండ్ సెన్సిబుల్ డైరెక్టర్ వివేక్ ఆత్రేయ దర్శకత్వంలో బాలయ్య ఒక సినిమా చేయబోతున్నారనే వార్త టాలీవుడ్‌లో హాట్ టాపిక్ అయ్యింది.

సినిమా అనౌన్స్‌మెంట్ రాకముందే ఈ ప్రాజెక్టుపై అంచనాలు భారీగా పెరగడానికి కారణం వీరిద్దరి కాంబినేషనే. ఒకరు ఊరమాస్ పల్స్ తెలిసిన నటసింహం, మరొకరు క్లాస్ అండ్ స్క్రీన్ ప్లే మ్యాజిక్‌తో మాయ చేసే వివేక్ ఆత్రేయ. 'అంటే సుందరానికి', 'సరిపోదా శనివారం' వంటి సినిమాలతో తనదైన ప్రత్యేక ముద్ర వేసిన వివేక్ ఆత్రేయ(Vivek Athreya), ఇప్పుడు బాలయ్య కోసం ఒక పవర్‌ఫుల్ స్క్రిప్ట్ సిద్ధం చేసినట్లు తెలుస్తోంది. తాజాగా ఈ చిత్రానికి ‘కురుక్షేత్రం’ అనే టైటిల్‌ను పరిశీలిస్తున్నట్లు సమాచారం. ఈ పేరు విన్నప్పటి నుండి అభిమానుల్లో పూనకాలు మొదలయ్యాయి.

సాధారణంగా బాలయ్య సినిమాల్లో యాక్షన్ అండ్ డైలాగ్స్ పీక్స్‌లో ఉంటాయి. అయితే వివేక్ ఆత్రేయ సినిమాల్లో క్యారెక్టరైజేషన్ చాలా లోతుగా ఉంటుంది. ఈ ఇద్దరి కలయికలో రాబోయే ఈ చిత్రం కేవలం యాక్షన్ డ్రామానా లేక పౌరాణిక ఛాయలున్న ప్రస్తుత కాలపు కథా అనేది ఆసక్తికరంగా మారింది. ‘కురుక్షేత్రం’(Kurukshetram) అనే టైటిల్ చూస్తుంటే, బాక్సాఫీస్ వద్ద బాలయ్య మరోసారి యుద్ధం ప్రకటించడం ఖాయమనిపిస్తోంది.