బుల్లితెరపై ‘కలర్స్’ షోతో తెలుగువారి గుండెల్లో చెరగని ముద్ర వేసుకుంది స్వాతి రెడ్డి. ఆ తర్వాత వెండితెరపై హీరోయిన్‌గా మారి తనదైన నటనతో ‘కలర్స్ స్వాతి(Colors Swathi)’గా టాలీవుడ్‌లో ఒక వెలుగు వెలిగింది. అయితే, కెరీర్ పీక్స్‌లో ఉన్నప్పుడే 2018లో వికాస్ అనే పైలట్‌ను ప్రేమ వివాహం చేసుకుని సినిమాలకు గుడ్‌బై చెప్పేసింది. కేరళలో సెటిలైపోయిన ఈ బ్యూటీ, కొన్నాళ్లకే భర్తతో విభేదాల వల్ల వార్తల్లో నిలిచింది.

విడాకుల రూమర్స్ నడుస్తున్న వేళ.. స్వాతి ‘మంత్ ఆఫ్ మధు(Month of Madhu)’ అనే సినిమాతో టాలీవుడ్‌లోకి సెకండ్ ఇన్నింగ్స్ స్టార్ట్ చేసింది. ఆ సినిమా ప్రమోషన్స్ సమయంలో వ్యక్తిగత జీవితంపై వచ్చిన ప్రశ్నలను ఆమె సున్నితంగా దాటవేసింది. కానీ, ఇప్పుడు అందరికీ ఊహించని షాక్ ఇస్తూ, ఎలాంటి హడావుడి లేకుండా సైలెంట్‌గా రెండో పెళ్లి పీటలెక్కింది ఈ ముద్దుగుమ్మ.

ట్విస్ట్ ఏంటంటే.. తను రీఎంట్రీ ఇచ్చిన ‘మంత్ ఆఫ్ మధు’ చిత్ర దర్శకుడు శ్రీకాంత్ నాగోతి(Srikanth Nagothi)తోనే స్వాతి ప్రేమలో పడింది. తాజాగా ఈ దర్శకుడిని వివాహం చేసుకున్నట్లు ఆమె సోషల్ మీడియా వేదికగా అధికారికంగా ప్రకటించింది. "పెళ్లి చేసుకున్నాం" అంటూ శ్రీకాంత్‌ను ట్యాగ్ చేస్తూ స్వాతి షేర్ చేసిన వెడ్డింగ్ ఫోటోలు ప్రస్తుతం ఇంటర్నెట్‌ను షేక్ చేస్తున్నాయి. నెటిజన్లు, సెలబ్రిటీలు ఈ కొత్త జంటకు శుభాకాంక్షలు తెలుపుతున్నారు. ఈ క్రేజీ స్టెప్‌తో.. తమను డైరెక్ట్ చేసిన దర్శకులనే మనసు పారేసుకుని పెళ్లాడిన టాలీవుడ్ హీరోయిన్ల లిస్టులో కలర్స్ స్వాతి కూడా చేరిపోయింది.