ఆంధ్రప్రదేశ్ రాజకీయాల్లో మరో ఇంట్రెస్టింగ్ పరిణామం చోటుచేసుకుంది. జనసేన పార్టీలో కీలక నేతగా ఉన్న నాగబాబు(Nagababu)కు రాష్ట్ర ప్రభుత్వం అత్యంత ప్రాధాన్యత ఉన్న పదవిని కట్టబెట్టింది. ఈ మేరకు కూటమి ప్రభుత్వం తీసుకున్న నిర్ణయం ఇప్పుడు రాష్ట్రవ్యాప్తంగా రాజకీయ వర్గాల్లో హాట్ టాపిక్‌గా మారింది.

రాష్ట్రంలో పచ్చదనాన్ని పెంపొందించడం, పర్యావరణ సమతుల్యతను కాపాడటమే లక్ష్యంగా ప్రభుత్వం ప్రతిష్టాత్మకంగా భావిస్తున్న 'గ్రీన్‌ ఎగ్జిక్యూటివ్‌ కమిటీ' (Green Executive Committee) బాధ్యతలను నాగబాబుకు అప్పగించారు. ఈ కమిటీకి చైర్మన్‌గాయన్ని నియమిస్తూ పర్యావరణ, అటవీ శాఖ నుంచి అధికారిక ఉత్తర్వులు వెలువడ్డాయి. ముఖ్యంగా ఈ పదవితో పాటు నాగబాబుకు కేబినెట్ హోదా కల్పిస్తూ ప్రభుత్వం నిర్ణయం తీసుకోవడం గమనార్హం. 

జనసేన అధినేత, డిప్యూటీ సీఎం పవన్ కళ్యాణ్(Pawan Kalyan) సోదరుడిగా మాత్రమే కాకుండా, పార్టీలో ఆయన చేసిన సేవలకు గుర్తింపుగా ఈ హై-ప్రొఫైల్ పోస్ట్ దక్కినట్లు రాజకీయ విశ్లేషకులు భావిస్తున్నారు. ఇకపై ఈ కమిటీ నేతృత్వంలో రాష్ట్రవ్యాప్తంగా విస్తృతంగా పర్యటించి, పర్యావరణ పరిరక్షణ కార్యక్రమాలు, మొక్కలు నాటే ప్రాజెక్టుల పురోగతిని నాగబాబు స్వయంగా పర్యవేక్షించనున్నారు. ప్రభుత్వ తాజా నిర్ణయంతో జనసేన శ్రేణుల్లో నూతనోత్సాహం కనిపిస్తోంది.