అమెరికాలోని బే ఏరియాలో తెలుగుదేశం పార్టీ 44వ ఆవిర్భావ దినోత్సవ వేడుకలు ఘనంగా నిర్వహించబడ్డాయి. మిల్పిటాస్ పట్టణంలో జరిగిన ఈ కార్యక్రమంలో పెద్ద ఎత్తున ప్రవాసాంధ్రులు పాల్గొన్నారు.

 

కార్యక్రమం ప్రారంభంలో పార్టీ వ్యవస్థాపకుడు ఎన్టీఆర్ చిత్రపటానికి పూలమాలలు వేసి నివాళులు అర్పించారు. అనంతరం పార్టీ పతాకాన్ని ఆవిష్కరించి, కేక్ కట్ చేసి వేడుకలను కొనసాగించారు.

 

ప్రధాన అతిథిగా కోమటి జయరాం జూమ్ కాల్ ద్వారా పాల్గొని ప్రసంగించారు. ఆయన మాట్లాడుతూ, “తెలుగుదేశం పార్టీ ఆర్థిక, రాజకీయ, సామాజిక రంగాల్లో విశేష మార్పులను తీసుకువచ్చింది. సమాజంలోని అసమానతలను తొలగించి బడుగు, బలహీన వర్గాలకు రాజకీయ ప్రాధాన్యత కల్పించింది. ఎన్టీఆర్ ఆశయాలకు అనుగుణంగా పార్టీని శ్రీ నారా చంద్రబాబు నాయుడు మరియు నారా లోకేష్ సమర్థవంతంగా ముందుకు నడిపిస్తున్నారు. నూతన రాజకీయ ఆవిష్కరణలకు తెలుగుదేశం పార్టీ ఒక వేదికగా నిలుస్తోంది” అని పేర్కొన్నారు.

 

మన్నవ సుబ్బారావు మాట్లాడుతూ, “తెలుగుదేశం పార్టీ 24 సంవత్సరాలు అధికారంలో, 20 సంవత్సరాలు ప్రతిపక్షంలో కొనసాగుతూ ప్రజల కోసం అనేక ఉద్యమాలు చేపట్టింది. ఈ 44 ఏళ్ల ప్రయాణం పార్టీ ప్రజా పక్షపాతాన్ని ప్రతిబింబిస్తుంది” అని అన్నారు.

 

ఇతర వక్తలు మాట్లాడుతూ, ఆంధ్రప్రదేశ్ రాష్ట్రానికి ప్రపంచవ్యాప్తంగా గుర్తింపు తీసుకువచ్చిన నాయకుడు శ్రీ నారా చంద్రబాబు నాయుడు అని కొనియాడారు. ఆయన ప్రారంభించిన ఐటీ విప్లవం వల్లే నేటి తరంలో అనేక మంది భారతీయులు విదేశాల్లో ఉన్నత స్థానాలను సాధించారని తెలిపారు.

 

ఈ కార్యక్రమాన్ని రాజశేఖర్ పర్వతనేని సమన్వయపరిచారు.

 

ఈ కార్యక్రమంలో శ్రీకాంత్ దొడ్డపనేని, వెంకట్ కోగంటి, విజయ్ గుమ్మడి, హరి సన్నిధి, శశి దొప్పలపూడి, వెంకట్ అడుసుమల్లి, ఎంవీ రావు, శ్రీమతి విజయ ఆసూరి, వీరు ఉప్పల, సందీప్ ఇంటూరి, భరత్ ముప్పీరాల, విజయ్ జెట్టి, శ్రీనివాస్ తడపనేని, శ్రీనివాస్ వల్లూరుపల్లి, సుబ్బా యంత్ర, రమేష్ మల్లారపు, రవి అడుసుమల్లి, భాస్కర్ ములకలపల్లి, రవి కిరణ్, గాంధీ పాపినేని, శివ గుమ్మడి, జగదీష్ గింజుపల్లి, రామ్ తోట, సురేష్ పోతినేని, భాస్కర్ అన్నే, వాసు బండ్ల, రాజా కొల్లి, సీతారాం కోడలి, శ్రీనివాసు పతకమూరి తదితరులు పాల్గొన్నారు.

 

చివరిగా, స్థానిక రెస్టారెంట్ ‘బిర్యానీ జంక్షన్‌’ హాజరైన అందరికీ నోరూరించే విందును ఏర్పాటు చేసింది.