మాజీ మంత్రి కేటీఆర్ గడ్డం పెంచడంపై సీఎం రేవంత్ రెడ్డి సెటైర్లు వేసిన సంగతి తెలిసిందే. గడ్డం పెంచినంత మాత్రాన కేటీఆర్ రేవంత్ రెడ్డి కాలేరని రేవంత్ విమర్శించారు. ఈ నేపథ్యంలోనే రేవంత్ రెడ్డిపై హరీష్ రావు విమర్శలు గుప్పించారు. కేటీఆర్ గడ్డం వంటి వ్యక్తిగత విషయాలపై విమర్శలు చేసేందుకే రేవంత్ సిద్దిపేట వచ్చారా అని ఆయన ప్రశ్నించారు. రేవంత్ సొంత జిల్లాలో ఆయన సభలకు జనం రాలేదని, దీంతో వేరే ప్రాంతాల నుంచి జనాన్ని తరలించిన విషయం అక్కడి పోలీస్ కమిషనర్ చెప్పారని ఆయన గుర్తు చేశారు.